开估啦 之 係仔定係囡 ?

* 事先声明 ：
第一次用粤语写文 希望你地睇得明 LOL

我想有個囡就全世界都知（噗~）
初初陀 B 几個礼拜情况同以前唔同
我同老公一厢情愿念住呢胎应该係囡
由第二第三到呢胎都称之为 “妹妹” ^^

点知慢慢进入稳定期之后
陀 B 情况就同以前陀樂樂一样
除咗身形冇咩大变個样亦冇变猪头
個肚同以前一样都係尖尖嘅
我两公婆就开始心里有数 xD

等到第 19 周政府医生一睇就话我知 BB 性别
返去话俾樂樂知 “妹妹” 有可能变咗係 “弟弟”
佢话 “哦 OK 啦！咁你再生多個妹俾我啦！”
“我地一家有五個人，爸爸、妈妈、我、弟弟，同妹妹。” xD

就咁我地一家三口好自然就改口嗌 “弟弟”
虽然其实我真係好希望係 BB 囡（咁就可以收工嘛）
但係讲真个句 BB 可以健健康康
係我肚里面由一粒豆变成依家有 1200g
我已经好感恩好开心
係仔係囡真係一点都唔重要

本来下個星期一正睇医生
点知诊所前两日打嚟改今日
所以今日计落再多两日就啱啱满 28 周
正式踏入孕后期
亦既係话多两個幾月我就生得啦（咁快嘅?!?!）

好啦讲番正题
正话係诊所检查完睇完医生返嚟
第二個政府医生依然一睇就讲一样的话
咁应该好确定小樂即将有個可以揽头揽颈个好兄弟
（希望你两个唔好成日打交就真 xD）

话说好似三个月前正对外宣布有 B 呢件事
眨下眼依家又话我好快就可以抱住等到颈都长的新成员
其实之前唔係有心刻意隐瞒吊你地隐（嘻嘻）
我只係想睇多次医生确定下先讲
虽然人地话如果一照到係仔都冇走鸡啦
（以前樂樂都係好早就知道係仔）

Anyway 阿仔呀仔 我地好快就见面啦
妈妈好想揽实你係咁锡吖 :* :* :*
We Love You ♡ ♡ ♡

p/s : 阿仔, 聽日係你大佬牛一,
今年有你, 就当係最好嘅生日礼物啦 !!! ♡ ♡ ♡